Ungmennaskiptaverkefni á Austurlandi

Náttúruskólinn, Vegahúsið og ítölsku ungmennasamtökin Il Cassetto dei Sogni standa að metnaðarfullu ungmennaskiptaverkefni sem fer fram á Austurlandi þessa vikuna. Verkefnið, sem ber nafnið Digital Empowerment in Nature, felur í sér að hópur ítalskra ungmenna heimsækir Austurland og dvelur meðal annars í Snæfellskála, Hallormsstaðaskógi og Fljótsdal.

Markmið verkefnisins er að efla útiveru, umhverfisvitund, náttúruljósmyndun og nýta stafræna tækni til að stuðla að verndun náttúrunnar.

Verkefnið nýtur stuðnings frá Vatnajökulsþjóðgarði, Skriðuklaustri/Gunnarsstofnun og Erasmus+ Ísland.

Síðari hluti verkefnisins fer fram í október á Norður-Ítalíu, þar sem ungmennahóparnir tveir munu hittast aftur í fjallahéruðum Ítalíu. Þeir munu kynna sér lífríki og náttúru, halda áfram að vinna með ljósmyndun, og læra um drónaljósmyndun til að fylgjast með náttúrunni og þeim breytingum sem eiga sér stað vegna hnattrænnar hlýnunar.

Fylgjast má með ævintýrum hópsins á Facebook og á Instagram hjá Náttúruskólanum.