Góðir gestir í heimsókn

Sigurður Ingi Friðleifsson framkvæmdastjóri Orkuseturs og Ragnar Ásmundsson verkefnastjóri Orkusjóðs og orkuverkefna komu í heimsókn um daginn, m.a. til að líta á viðarkyndinguna við Végarð. Kyndingin er komin í gagnið og er nú húsnæðið kynt upp með skógarafurðum. Á myndinni má sjá Sigurð Inga með Herði Guðmundssyni (t.h.) við viðarperlusekkina sem nýttar eru sem orkugjafi. Kyndistöðin sést við skógarjaðarinn þar á bakvið. Orkusjóður veitti fjárhagslegan stuðning til að koma kyndingunni upp. Fulltrúum sjóðsins eru færðar góðar þakkir fyrir framlagið. 

Myndina tók Ragnar Ásmundsson.